Fietselfstedentocht 2017

Historia: E Frisionan i nan diesun stad

Friesland ta un provinsia spesial na Hulanda, kaminda e hendenan tin nan mes idioma (ofisial rekonosé) i kultura. Parti di e kultura aki ta e "elfstedentocht", un tur di 200KM riba skeit di glas, pa kanal, riu i lagun pa e diesun stad frisio durante invièrnu. E tur di skeit a wòrdu hasi pa promé biaha na 1890 durante un invièrnu largu i frioso. For di e tempu ei e elfstedentocht a bira un tur legendario kaminda hendenan ku a kompletá e distansia di 200KM ta wòrdu konsiderá héroe, pasobra nan a resistí e elementonan ku éksito.

Di un manera òf otro, mas di 100 aña pasá, un par di frisionan a disidí ku hende por hasi e Elfstedentocht riba bisikleta na lugá di riba skeit, durante zomer. Historia a wòrdu skirbí: for di e tempu ei nan ta organisá e tur di bisikleta regular. E popularidat a kresé te na 12.000 partisipante den añanan 70. E organisashon ta kuida un registro di ken a kompletá e tur, i hende ku a finalisá ku éksito mas di un biaha ta haña un rekonosementu spesial.

Partisipá

Mi tambe a ke un poko di e heroismo di "elfsteden" ei. Haña un bonó pa kuminsá ta difísil: kada aña tin mas hende ku ke pidal ku bonó disponibel. Pa haña bo bonó bo mester registrá promé na novèmber, kaminda e bonónan ta wòrdu repartí ku un 'mekanismo di loteria'. Mi no tabata ku suerte e promé ronda, ma mi a logra gaña mi bonó na yanüari (ora nan tabata emití di nobo e bonónan ku nunka a wòrdu reklamá).

Pasobra e tur ta kuminsá trempan mainta, bo mester yega ei na tempu di un manera òf otro. E manera mas fásil ta pa drumi e anochi promé den e vesindario. Mi a reservá un hotel na Leeuwarden, e "Postplaza Hotel". Otro pidalnan ta kampá riba un di e poko kampingnan na Bolsward, kaminda tantu e salida komo e yegada ta.

Loke ta gracioso di e Elfstedentocht ta ku henter e regio ta sa di dje. Meskos pa e hotel, nan tin lugánan spesial pa bo bisikleta i bo por laga nan organisá un desayuno ekstra trempan. Nan ta sirbi kuminda saludabel, perfektu pa haña e enerhia ekstra ku bo tin mester pa e tur grandi.

E hendenan di e lugá ta hasi dje un dia spesial, tur kaminda tin multitut di hende ta aplaudí i apoyá e partisipantenan. Algun ku musika, algun ku grito di alegria, algun ku pankart, algun ku baile, algun ku bistí spesial. E ta di bèrdat diferente di kualkier otro tur di bisikleta ku mi a pidal.

Salida

Asina mi a yega na e salida trempan mainta di 5 di yüni, 2017. Tabata djis un biahe di 20 minüt for di e hotel. Tur kos tabata trankilo, fresku, i mi tabata sinti mi kla pa kuminsá e ride di 235KM. Tur esei a kambia ora mi a habri e baúl di e outo....

... si bo wak e potrèt di ariba bo ta nota ku algu esensial ta falta: mi rod di dilanti! Mi a lubidá poné mi rod di dilanti den outo ora mi a sali di kas! Mi kasi nunka a sinti un miseria asina instantáneo i intenso...

Mi no lo a laga mi intento di partisipá den e Elfstedentocht kaba promé ku e kuminsá, pa esei mi a tuma mi bisikleta (tur su pida, di tur manera) i a kamna bai sentro. No a dura hopi pa hende nota mi. "Ei, bo no a lubidá algu?!" hende a puntra. Anto un hòmber mayor amabel di e lugá a aserkami i puntra si mi tabata nesesitá yudansa. E tabata sa di un tienda di bisikleta ku tabata habrí (ainda tabata hopi trempan mainta), nos a kamna bai ei (pasa pa algun atahu den sentro) i mi a gradisí.

Na e tienda di bisikleta lokal nan a bisami ku mi no tabata e úniko, ta parse mas hende ta hasi kos tonto manera lubidá nan rod ora nan ta bai pa un ride di bisikleta di 235KM...

Ku un rod di dilanti fresku i nobo montá mi tabata kla pa bai (manera e stickers riba e bentana di e tienda a bisa, apropiá: asina e mester a ta).

E reto di 235KM

Loke ta di un ride largu, òf gran fondo (manera e italianonan ta bisa), ta ku durante e ride e kondishonnan por kambia. Asina ku, den un sentido, bo nunka sa di sigur kiko pa spera. Mi a pidal ride largu promé i mi sa kon pa dosifiká mi esfuerso pa por sigui pa ora largu.

Tabatin hopi biento durante mainta i e promé parti di atardi. Pidal hopi kilòmetro pa e kampo habrí, e biento a pone mi na prueba di bèrdat. Danki Dios mi no tabata e úniko partisipante; ku un bon posishonamentu mi a logra uni ku algun otro pidalnan den un formashon kontra e biento. Pidal den un 'trein', patras di otro pidalnan por redusí hopi e efekto ku e biento tin riba bo. Ma, asegurá di tuma bo parti di e biento, pasobra no ta hustu pa laga otronan hasi tur e trabou duro.

Apoyo

Tabatin hopi hende banda di e ruta. E tabata fantástiko i sigur e ta yuda bo pasa e dia. Mi tabatin algun apoyadó spesial e dia ei: mi spos ku algun sándwich fresku i mi mama ku su amiga.

Yegada

Despues di 8 ora i 41 minüt mi tabata bèk na Bolsward i a terminá e ride ku un velosidat promedio di 27KM/ora (no ta malu, konsiderá e biento!). Tabata un di e rides mas retador ku mi a hasi, ma tabata bale la pena tur e esfuerso!

Ei e tabata un dia despues, mi rod di dilanti original, ainda den garashi na kas. Aña ku ta bini mi lo yega na e salida ku tur dos rod. :-)