Trije tips om in ynhâldsstrategy te litten wurkje

Wat is in ynhâldsstrategy?

Koartsein is in ynhâldsstrategy de manier wêrop't ynhâld makke, publisearre en beheard wurdt; skreaun of yn oare media. Skriuw foar dyn website, blog, favorite fuotbalklub of bedriuw. Do dochst dit om dyn berjocht te fersprieden en safolle mooglik minsken te berikken, dy't dy yn kontakt bringt mei nije minsken, fans of mooglike klanten.

Skriuw spesifyk

Tink oan minsken dy’t sykje nei dyn ynhâld, hoe sille se dy fine? Minsken sykje mei Google of DuckDuckGo. Se fiere har sykfraze yn, bygelyks "hoe kinst ierappels koekje". Besykje dy sykfraze spesifyk te treffen mei in spesifyk antwurd dêr't wat mei dien wurde kin. Hoe spesifyker it ûnderwerp, hoe minder konkurrinsje. Bygelyks, yn stee fan gewoan "ierappels", dat ek de buorkerij, distribúsje en it kweken omfettet, rjochtsje do dy op "hoe kinst ierappels koekje". Skriuw leaver trije koartere (spesifike) artikels as ien algemiene oerkoepeljende longread.

Skriuw tiidleas

Brûk dyn fantasy om troch de tiid te reizgjen! Hoe kinst dyn skriuwen ynteressant meitsje foar dyn takomstige sels? It ynternet ferjit nea, wat do yn de gaten hâlde moatst as do foar it web skriuwst. Lit dyn wurden langer wurkje troch se tiidleas te meitsjen. Lit de moade fan de dei lizze en rjochtsje dy leaver op it ûnderlizzende prinsipe. As do in man in fisk jout, jout do him iten foar ien dei; learst him fiskje, dan jout do him iten foar syn hiele libben. Skriuw om minsken in libben lang te helpen!

Skriuw mei ynfloed

Do bist de stim yn 'e holle fan minsken as se dyn ynhâld lêze! Praat tsjin harren yn stee fan lawaai te meitsjen oer dysels of dyn bedriuw. Sprek dyn lêzer direkt oan om de ynfloed fan dyn berjocht te maksimalisearjen. Jou in berjocht dêr't wat mei dien wurde kin, rjochte oan dyn lêzer. Yn stee fan "wy kinne helpe om X Y of Z te dwaan" moatst do brûke: "do kinst X Y of Z dwaan troch kontakt mei ús op te nimmen". Mei in dúdlik en direkt berjocht ferheegje do de kâns op aksje.

Helpmiddels

Rjochtsje dyn enerzjy op de goede wurden sûnder ôfliede te wurden; dizze helpmiddels kinne dy helpe:

• De goede wurden fine: Sykje op dyn ûnderwerp en sjoch hokker suggestjes de sykmasine jout as do dyn kaaiwurden ynfierst. Besykje ferskillende wurden en frasen. Wit dat de suggestjes fan de sykmasine oandreaun wurde troch de fragen fan oare minsken: dat kin dy helpe om de goede wurden foar dyn ynhâld te finen!
• Fokus op skriuwen: Foardat do de stim yn 'e holle fan oare minsken (as se dyn tekst lêze) wurde kinst, moatst do stilte meitsje om dysels te hearren. It binne mar do, dyn gedachten en dyn wurden. Tink oan in app lykas iA Writer om dy dêrby te helpen.

Foarbylden

In pear foarbylden kinne dy ynspirearje. Ik bin mysels noch oan it ferfine fan myn skriuwfeardichheid, mar ik doch in beskieden besykjen om te praktisearjen wat ik preek:

• Fynberens: Yn dit artikel skriuw ik oer in tige spesifyk nisjeûnderwerp: dyn eigen horloazje ûntwerpe. Der is amper konkurrinsje en dêrom lûkt it effektyf de oandacht fan in spesifyk publyk.
• Tiidleas: Yn stee fan my te rjochtsjen op de lansearring fan myn nijste produkt, skriuw ik oer it ûnderlizzende prinsipe yn it artikel oer produkten meitsje op in platfoarm. Ik brûkte Duplo-stientsjes om de abstrakte begripen te yllustrearjen.
• Ynfloed: Yn dit artikel oer foto’s rêde fan in crashte kompjûter beskreau ik wat ik die, mar ik rjochte de tekst oan de lêzer. Yn stee fan "Ik die dit en dat" skriuw ik "Do kinst dit of dat dwaan"

Konklúzje

Skreaune wurden hawwe macht, benammen as do se goed oarderest om dyn berjocht oer te bringen. Jou omtinken oan fynberens, tiidleazens en ynfloed.

Mar boppe alles: skriuw! No! Wachtsje net op in magysk momint of in lang winske fonk fan ynspiraasje. Do hast alles wat do nedich hast om te begjinnen mei skriuwen: do, dyn wurden en dyn gedachten!