Iterashon Rápido den Agentic Loop

Imaginá bo ta agregá un butòn na algun lugá. Despues di skirbi e kòdigo, bo ta purba e programa nobo pa wak kon e ta parse. E ta alineá bon, e ta kabe riba pantaya chikí, e ta funshoná? Bo por komprendé fásil ku mas kompliká software ta bira, mas tempu e proseso aki ta tuma.

Laga agente wak

Pa hasi kos mas lihé mi a duna e agente di AI e kapasidat pa wak rápido e trabou ku e a kreá, riba diferente medida di pantaya, i pa test outomátiko alineashon, overflow, lesabilidat (a11y) i konsistensia. Mi ta usa browser headless i modelo lokal di computer vision (OpenCV) pa hasi esaki. Mi a entrená e setup ora mi analisá botter di serbes, i laga e agente konstruí un modelo 3D for di un foto. E ehersisio aki di bèrdat ta mehorá bo komprenshon di e kurso imágen > dato > kontekstu di AI > akshon.

E sujeto di entrenamentu: un botter di serbes, fotografiá kontra muraya

Di foto pa 3D: e agente a konstruí un mesh di profundidat ku textura di foto (Depth Anything V2), wireframe i auto-rotate inkluí

E botter komo dato: un simulashon di partíkulo Navier-Stokes ta flui rònt di su silweta, bibu riba e telefòn

E loop di wak den produkshon: e agente ta download, analisá i kategorisá un file di foto di un kliente

Kurashon di foto kompletá: 42 foto skohé for di 200, kategorisá i ku subtítulo na ingles i hulandes

E resultado ta yega den e Lemmid Manager: subtítulo i etiketa pa kada foto, kla pa publiká

'Loop' mas lihé

Ora mi outomatisá e kontròl di vershon iterativo, mi a redusí 80% di e frikshon den desaroyo. Aparte di kontròl visual mi ta alimentá e agente tambe ku output di log i 'smoke test' automátiko. Komo eksperimento divertido mi a opera e agentic loop un bes miéntras mi tabata kana (hulandes: 'loop') riba un treadmill. Mas lihé e 'loop', mas fit mi ta bira, ha!

Mi ta opera e agentic loop miéntras mi ta kana e loop: Vision Pro prendé, treadmill ta kore

E skritorio improvisá pa para, mirá via e Vision Pro: teklado, telefòn i kontròl remoto riba e armario di display

Konklushon

Workflow agéntiko probabel ta na nan pió momentu awor: kos lo mehorá so ora kompiuter i modelo bira mas lihé. Pero bo no mester warda riba e 'dia mítiko di sin frikshon': ataká bo bottleneck awor! Energia ku bo no gasta riba trabou repetitivo por wòrdu usá na otro lugá, kaminda hende por hasi un diferensia real!