Skriuwen · 25 okt 2026
AI komt yn 'e nacht
Wat in simmer programmearjen mei AI mei myn bêdtiid die
Sûnt dizze simmer bou ik software tegearre mei AI-aginten, en ik seach wat: ik gean hieltyd letter troch yn 'e jûn. Mar net tsjin myn wil! Elke jûn is der wer in nije mooglikheid om mei te eksperimintearjen, en ik wol sjen wat der kin foardat ik de laptop ticht doch. De fraach is oft dat gefoel echt is, of mar in búkgefoel. Ik draach sûnt oktober 2019 in WHOOP-band, dus ik haw sân jier oan gegevens oer bêdtiid, wekker wurden en sliep. Ik haw de moannen sûnt juny 2026 fergelike mei deselde moannen fan 2024 en 2025, allinnich nachten foar in wurkdei, moandei oant freed. It gefoel is echt. HIEL echt.
De ferskowing begjint yn juny 2026. Nei in jier fan foarsichtige eksperiminten hjir en dêr, fan vibe coding oant rapid iteration in agentic loops, besleat ik oan it ein fan maaie om 300 % derfoar te gean: mei folle gas op AI en aginten, lykas ik noch nea dien hie! Six websites in ten days wie it earste resultaat, en sûnt giet it tweintich kear flugger! Myn bêdtiid folget dat beslút en hâldt elke moanne stân: oant in oere en tweintich minuten letter as deselde moanne in jier earder. Yn july is it it dúdlikst, 23:32 tsjin 22:14 yn 2024 en 22:13 yn 2025. De betide nachten binne ferdwûn: in tredde fan myn nachten foar in wurkdei begûn eartiids foar 21:30, no is it ien op de njoggen. En ik kom ek tweintich minuten earder oerein, dus de sliep wurdt fan beide kanten ynkoarte. Gemiddeld in oere per nacht: dat is wat myn entûsjasme kostet!
| Nachten foar in wurkdei, april oant oktober | 2024 | 2025 | 2026 |
|---|---|---|---|
| Mediane bêdtiid | 22:05 | 22:01 | 22:56 |
| Nei 23:00 op bêd | 27 % | 22 % | 49 % |
| Nei middernacht op bêd | 12 % | 13 % | 25 % |
| Foar 21:30 op bêd | 36 % | 31 % | 11 % |
| Wekker wurden | 06:43 | 06:45 | 06:24 |
| Oeren sliep | 7.6 | 7.9 | 7.2 |
Konklúzje
Wat it oant no ta net kost hat, is myn lichem. Myn hertslachfariabiliteit en herstelwearden fan juny oant oktober binne like goed as fan ferline jier, sels better, en myn rêsthertslach is de leechste sûnt 2020, wêr't it hurdrinnen grif in grutte bydrage oan leveret. Dochs hâld ik de gegevens goed yn 'e gaten en bliuw ik nei myn lichem harkje. It entûsjasme en myn optimisme binne grut; ik moat allinnich soargje dat it (sûnens)lykwicht net kantelet. DAT is wat ik yn 'e gaten hâld!
